Elordadaǵy «Astyqjan» saýda ortalyǵyndaǵy órt boıynsha qylmystyq is qozǵaldy
NUR-SULTAN. QazAqparat – Elordadaǵy «Astyqjan» saýda ortalyǵyndaǵy órt boıynsha qylmystyq is qozǵaldy, dep habarlaıdy QazAqparat tilshisi.
Bul týraly Nur-Sultan qalasy tótenshe jaǵdaılar departamentiniń baspasóz qyzmeti málimet taratty.
«Astyqjan» saýda úıiniń jıhaz salonyndaǵy órtten kelgen zalaldyń shyǵynyn anyqtaý úshin ákimdik pen saýda nysany ókilderinen jedel shtab quryldy.
Qazirgi tańda Qylmystyq kodekstiń 292 baby (Órt qaýipsizdigi talaptaryn buzý) boıynsha qylmystyq is qozǵalyp, tergeý amaldary júrgizilýde. Órt-tehnıkalyq saraptama taǵaıyndaldy», - dep jazady departamenttiń baspasóz qyzmeti.
Eske salsaq, búgin tańerteń Elordadaǵy «Astyqjan» saý ortalyǵynyń jıhaz salonynan órt shyqty.
Órt sóndirilgen. Qazirgi málimet boıynsha tótenshe oqıǵa saldarynan jıhaz tsehynyń 20 jastaǵy qyzmetkeri zardap shekken.
