Elordadaǵy «Astana-Arena» stadıonynda 7-Qysqy Azııa oıyndarynyń saltanatty ashylýy bastaldy
ANA. 30 qańtar. QazAqparat /Gúlmıra Álıakparova/ - Búgin «Astana-Arena» stadıonynda Qazaqstan Prezıdenti Nursultan Nazarbaevtyń qatysýymen 7-Qysqy Azııa oıyndary saltanatty túrde ashyldy.
Saltanatty rásimge Qazaqstannyń arnaıy shaqyrtýymen kelgen Qyrǵyzstan Respýblıkasy Prezıdenti Roza Otynbaeva, Ábý-Dabıdiń taq murageri sheıh Muhammed ben Zaıd Ál-Nahaıan, Azııa olımpıadalyq keńesiniń prezıdenti sheıh Ahmad ál-Fahad ál-Sabah jáne halyqaralyq olımpıada komıtetiniń prezıdenti Jak Rogge, sondaı-aq 7-Qysqy Azııa oıyndaryna qatysatyn 27 Azııa memleketiniń resmı delegatsııalary men sportshylary, el namysyn qorǵaıtyn Qazaqstannyń ulttyq quramasy, elordaǵa atbasyn tiregen otandyq jáne sheteldik týrıster men buqaralyq aqparat quraldarynyń ókilderi qatysýda.
Іs-sharany barlyǵy 30 myń adam tamashalaýda.
Ashylý rásimin uıymdastyrýmen reseılik kompozıtor, prodıýsser Igor Krýtoıdyń prodıýsserlik ortalyǵy aınalysty. Myńnan astam ártistiń qatysýymen ótetin shoý qoıylymnyń sońynda 7-shi Qysqy Azııa oıyndarynyń bas alaýy tutatylatyn bolady.
Aldyn ala aqparat boıynsha ashylý saltanaty 2 saǵat 40 mınýtqa jalǵasady. Sondaı-aq aıta keteıik, bas alaýdy tutatý qurmeti kimge berilgendigi kórermender úshin sońǵy sátterge deıin qupııa bolyp qalmaq.
