Elordadaǵy «Artem» SO-daǵy tóbeles: Jigitti jedel járdem alyp ketti
ASTANA. QazAqparat - Astanadaǵy «Artem» saýda ortalyǵynda qandy tóbeles bolyp, saldarynan bir adamdy jedel járdem kóligi alyp ketti, dep habarlaıdy QazAqparat tilshisi.
«7 maýsym kúni Seıfýllın kóshesindegi saýda úıinde oryn alǵan buzaqylyq faktisi boıynsha sotqa deıingi tergeý jumystary júrip jatyr. Kúdikti anyqtalyp, qazir ony ustaý sharalary qoldanylýda», - dep habarlady Astana qalalyq Іshki ister departamentiniń baspasóz qyzmetinen.
Zardap shegýshi men edenge jaıylǵan qan túsirilgen vıdeo messendjerlerde taratylýda. Vıdeonyń jazbasyna sáıkes, tóbeles uıaly telefon satýshysy men sapasyna narazy bolǵan satyp alýshy arasynda bolǵan. Saldarynan 1991 jylǵy satyp alýshy shyny vıtrınaǵa qulap, jaraqat alǵan.
