Elordadaǵy Arqarly jáne Oıyl kósheleri ýaqytsha jabylady
NUR-SULTAN. QazAqparat - Elordalyq Kólik jáne jol-kólik ınfraqurylymyn damytý basqarmasy Nur-Sultan qalasy PD ákimshilik polıtsııa basqarmasymen birlesip, Arqarly jáne Oıyl kóshelerinde jol jóndeý jumystaryn bastady, dep habarlaıdy QazAqparat qala ákimdiginiń resmı saıtyna silteme jasap.
Osy jyldyń 19 mamyry men 7 maýsym aralyǵynda jóndeý jumystaryna baılanysty Chehoev kóshesinen Kókseńgir kóshesine deıingi ýchaskede Arqarly kóshesi boıynsha, sondaı-aq Arqarly kóshesinen qoǵamdyq kólikke arnalǵan burylý alańyna deıingi ýchaskede Oıyl kóshesi boıynsha avtokólik úshin qozǵalys tolyǵymen jabylatyn bolady.
«Qala joldarynda keptelis týdyrmas úshin elorda turǵyndary men qonaqtary qozǵalys baǵyttaryn aldyn ala josparlaýy qajet. Keltirilgen qolaısyzdyqtar úshin keshirim suraımyz jáne jóndeý jumystarynyń júrgizilýine túsinistikpen qaraýdy suraımyz», — delingen kólik basqarmasynyń habarlamasynda.
