Elordadaǵy árbir ǵımaratqa jeke QR-kod berildi
ASTANA. QazAqparat - Bul jańashyldyq shuǵyl qyzmetterge, taksıster, kýrerler men poshtashylarǵa qajetti turǵyn úılerdi izdep-tabýǵa kómektesedi, dep habarlaıdy QazAqparat Elorda.info saıtyna silteme jasap.
Astanada buryn bekitilgen aqparattyq anshlagtardy QR-kodtary men árip-tsıfrly poshta ındeksteri bar jańalaryna aýystyrý jumystary bastaldy.
Anshlagtar birtindep aýystyrylatyn bolady. Áýeli jańalanǵan taqtaıshalar negizgi kóshelerde ornalasqan ǵımarattarǵa ilinedi, ýaqyt óte elordanyń búkil aýmaǵy qamtylatyn bolady.
Kórsetkishter poshta ındeksiniń jańa júıesiniń engizilýine baılanysty aýystyrylýda. Ol boıynsha poshta ındeksi endi ár ǵımaratqa jeke beriledi.
Budan bylaı ár ǵımaratqa jeke QR-kod berilýine baılanysty, tipti kóshelerdiń ataýy men úılerdiń nómiri ózgerip jatsa da ındeks ózgerissiz qalady.
Jańa árip-tsıfrly poshta ındeksi jeti sımvoldan turady. Birinshisi oblysty, kelesi ekeýi - qala/oblys aýdanyn, qalǵan tórt sımvol - ǵımarattyń ózin bildiredi.
Qazirgi sátte Astanadaǵy árbir ǵımaratqa jańa poshta ındeksi berilgen. Ony post.kz/postcode saıtynan bilýge bolady.
