Elordadaǵy «Araı» saıabaǵynda «Sporttyq otbasy - myqty el» atty kúzgi otbasylyq konkýrs ótti
ASTANA. QazAqparat - Búgin Otbasy kúnine oraı Astanada QR Mádenıet jáne sport mınıstrliginiń qoldaýymen «Bolashaq» qaýymdastyǵy «Sporttyq otbasy - myqty el» atty sporttyq otbasylyq konkýrs ótkizdi.
Іs-sharaǵa 100-den adam astam qatysty, olardyń arasynda jas otbasylar, tanymal qazaqstandyq sportshylar, «Bolashaq» qaýymdastyǵynyń músheleri, «Bolashaq» baǵdarlamanyń stıpendıattary men túlekteri bar. «Bolashaq» qaýymdastyǵynyń túlegi jáne múshesi, Qazaqstan Respýblıkasynyń sportqa eńbek sińirgen sheberi, áýesqoılar men kásipqoılar arasynda karate-shıdokan boıynsha úsh dúrkin álem chempıony Aıdar Mahmetov konkýrsqa qatysýshylardy quttyqtady.
Іs-sharanyń basty oqıǵasy álemdegi belsendi tynyǵýdyń eń tanymal túri bolyp tabylatyn erekshe ári qyzyqtyratyn kvest boldy. Kvest - bul jańa kreatıvti oıyn formaty, ol zııatkerlik jáne dene shynyqtyrý tapsyrmalaryn qamtıdy. Konkýrstyń barlyq qatysýshylary komandalarǵa bólinip, ártúrli ınteraktıvti mıssııalardy oryndap shyqty.
«Bolashaq» qaýymdastyǵy tamasha tımbıldıng uıymdastyrdy. Maǵan barlyq konkýrstar óte unady. Ózim salaýatty ómir saltyn ótkizýge, áriptestermen fýtbol, voleıbol oınaýǵa tyrysamyn. Meniń úlgimnen qyzym sportqa belsendi qatysatynyna senimdimin»»,- deıdi «Bolashaq» baǵdarlamasynyń túlegi Rýstam Toqmaǵambetov.
Báseke qorytyndysynda konkýrstyq sporttyq kezeńderin barlyq komandalar jeńip shyqty. Oıynnyń kóptegen qatysýshylary osyǵan uqsas ınteraktıvti is-sharalardy jıi ótkizý qajettigin atap kórsetti. Belsendi tynyǵýdyń mundaı túri shyǵarmashylyq jáne fızıkalyq áleýetti damytýǵa, ártúrli jyldardaǵy «Bolashaq» baǵdarlamasynyń túlekteri arasynda baılanysty nyǵaıtýǵa, qazaqstandyq qoǵamnyń patrıottyq kóńil-kúıin arttyrýǵa jáne «Qazaqstan-2050» ulttyq strategııasyn iske asyrý sheńberinde ony shoǵyrlandyrýǵa múmkindik týǵyzatyn bolady.
Tutastaı alǵanda, salaýatty ómir salty, belsendi demalys, otbasylyq qundylyqtar «Bolashaq» qaýymdastyǵynyń qyzmetinde basym baǵyttar bolyp tabylady.
