Elordadaǵy Almaty aýdanynyń prokýratýrasy «Ashyq esik kúnin» ótkizip jatyr
ASTANA. 16 mamyr. QazAqparat - Elordadaǵy Almaty aýdanynyń prokýratýrasynda 15 mamyrdan bastap halyqtyń quqyq qorǵaý organdaryna degen senimin arttyrý jáne júzege asyrylyp jatqan qadaǵalaý fýnktsııalarynyń aıqyndyǵyn qamtamasyz etý maqsatynda «Ashyq esik kúni» ótkizilip jatyr.
Bul týraly Almaty aýdanynyń prokýratýrasynan habarlady.
Azamattar kóbinese turǵyn úı, jer týraly zańnamalardyń qoldanylýy, sot aktileriniń oryndalýy, qylmystyq qýdalaý organdarynyń zańsyz sheshim qabyldaýy jáne qylmystyq is júrgizýdegi sozbalańdyqqa baılanysty suraqtar boıynsha prokýratýra organdaryna júginedi.
Aktsııa ótkizilgen kún ishinde 15 aryzdanýshy aýdan prokýratýrasynyń basshylyǵymen jeke qabyldandy. Olarǵa barlyq týyndaǵan máseleleri boıynsha, ádistemelik jáne zańdyq konsýltatsııa berilip, al tekseris sharalaryn uıymdastyrý qajet bolǵan jaǵdaıda aryzdanýshy sáıkesinshe jazbasha aryz jazyp, bul aryzdyń sheshilýi prokýratýra basshylyǵymen qatań qadaǵalaýǵa alyndy.
Sonymen qatar, bul kúni 25 jeke jáne zańdy tulǵalardyń aryzy jazbasha túrde kelip túsip, qazirgi tańda qaralýda.
Bul shara turǵyndar men basqa da múddeli tulǵalarmen tyǵyz qarym-qatynasta bolý úshin júıeli túrde ótkiziletin bolady.
