Elordadaǵy «Alaý» muz aıdynynda jappaı syrǵanaýlar ótkizilýde

Munda kelýshiler saǵat 9:00-23:00 aralyǵynda konkı tebe alady. Bastapqy kezeńde jaı konkı nemese rolık tebe bilý kerek. Al sheberligin shyndaǵysy keletinderge kásibı konkı tebýshilerdi daıyndaýǵa mamandandyrylǵan «Alaý» fıtnes-ortalyǵy óz qyzmetin usynady. Budan basqa, arenada jańadan kelgenderge stıýarttar syrǵanaý mánerin úıretedi. Bir seanstyń quny jeńildetilgen bılet boıynsha 250-1000 teńge, al tolyq bılet 500-1500 teńge kóleminde. 37-44 aıaq kıim ólshemderi boıynsha konkıler jalǵa beriledi. Saraıda usynylatyn qyzmetter keshenine konkılerdi qaıraý da kiredi, dep habarlanǵan elorda ákimdiginiń resmı saıtynda. «Alaý» - zamanaýı joǵarǵy tehnologııalyq qural-jabdyqtarmen jabdyqtalǵan, álemdik deńgeıdegi muz saraıy. Saraı 8000 oryndyq minbesi bar uzyndyǵy 400 metrlik muz jolynan, eki hokkeı alańynan, tóreshi alqasy zalynan, baspasóz máslıhatyn ótkizýge arnalǵan kongress zaldan, sportshylardyń kıim aýystyrýyna arnalǵan sheshinetin bólmelerden turady.