Elordadaǵy «Alataý» sport saraıynda órt shyqty

Nur-Sultan qalasynyń tótenshe jaǵdaılar departamenti oqıǵanyń alǵashqy derekterin málim etti.

«Búgin saǵat 20: 29-da Almaty aýdany, Táýelsizdik dańǵyly, 1/1 mekenjaıynda ornalasqan «Alataý» sport saraıynyń besinshi qabatynda órt tutanǵany týraly habarlama kelip tústi. Órt 20 sharshy metr aýmaqty sharpyǵan. Kabınettiń tóbesi túgel otqa oranǵan», - deıdi departamenttiń baspasóz qyzmetindegiler.

Resmı derek boıynsha, órt saǵat 20: 57-de tolyq sóndirilgen. Qaza bolǵandar men zardap shekkender joq. Órtti sóndirýge jeke quramnan 39 adam jáne 12 tehnıka jumyldyrylǵan.