Elordadaǵy Alash tas joly 2 tamyzǵa deıin jartylaı jabylady
NUR-SULTAN. QazAqparat – Elordadaǵy Alash tas joly 2 tamyzǵa deıin jartylaı jabylady. Sondyqtan qala turǵyndary men qonaqtaryna júretin joldaryn aldyn ala naqtylap alǵandar jón, dep habarlaıdy Nur-Sultan ákimdiginiń resmı saıty.
Alash tas jolynda Bógenbaı batyr dańǵylyndaǵy jol ótkelinen Jolymbet kóshesine deıin qurylys jumystary júrgiziletin bolady, dep habarlady qalalyq kólik jáne jol-kólik ınfraqurylymyn damytý basqarmasy.
Osyǵan qaraı, 17 shilde men 2 tamyz aralyǵynda jol qozǵalysyn jartylaı jabý josparlanǵan. «Keltirilgen qolaısyzdyqtar úshin keshirim ótinemiz jáne jóndeý jumystaryna túsinistikpen qaraýdy suraımyz», – delingen basqarmanyń habarlamasynda.
