Elordadaǵy alaman báıgede Almaty oblysynyń sáıgúligi top jardy

ASTANA. QazAqparat - EXPO - 2017 halyqaralyq  mamandandyrylǵan kórmesi aıasynda Astanada ótken  Atyraý   oblysynyń   kúnderi alaman báıgemen qorytyndylandy. 

Báıge túrlerinen respýblıkalyq EXPO - 2017 kýbogy dep atalǵan  sharada   qunan jarys,  jorǵa jáne alaman  báıge  uıymdastyryldy, dep habarlaıdy dodasport.kz .

Elorda tórinde ótken báıge­ge jalpy sany 105 júırik qatyst­y­ryl­dy. Sonyń ishinde 21 jor­ǵa, 32 qunan báıgege qatyssa, ala­man báıgede 62 júırik baq synady. Respýblıkalyq ja­rys­­qa elimizdiń 14 oblysy men Astanadan, Almatydan kel­gen shabandozdar qatysty. Jarys­tyń jalpy júlde qory 55 mln teńgeni quraǵan.

Aldymen «Qazanat» ıppo­dro­­myna elimizdiń túrli óńir­le­­rinen kelgen jas tulparlar shyqty. Júıirik qunan mingen jasóspirimder 7 shaqyrymdyq báıge jolyna shyqty. Qunan báıgesine Atyraýdan - 4, Almaty qalasynan - 5, Astanadan - 4, Aq­mola oblysynan - 4 qu­­nan, ózge oblystardan tıi­sin­she bir-ekiden sáıgúlikter qa­ty­­styryldy. Bes aınalymnan tu­ratyn báıgede Jambyl ob­ly­­sy, Qordaı aýdanynyń shabandozy Dilmuhamed Jolaýshy mingen qunan kómbege birinshi bolyp jetti. Sóıtip, jarysty uıym­dastyrýshylar báıgege tik­ken 7 mln teńgeni oljalady. Ekinshi oryn­ǵa ıe bolǵan qaraǵandylyq Aıhan Tólegenovke 4 mln, úshinshi bolǵan Ashat Álimjanǵa 2,5 mln, tórtinshi kelgen jam­byldyq Azat Ábıirge 1 mln, alǵashqy bestikke kirgen almatylyq shabandoz Ju­ma­­­taı Aqjolǵa 500 myń teńge syı­lyq berildi.
Ár jarystyń arasynda teńge ilý, jamby atý syndy ulttyq sport túrlerinen sahnalyq kórinister qoıylǵan jarystyń kelesi bóli­gi jorǵa báıgesine arnalǵan edi. Kileń tókpe jorǵalar qatys­qan báıgeniń qashyqtyǵy 5 shaqyrym­dy qurady. Jıyrma bir jorǵa taıpala jarysqan báıgede qara­ǵan­­­dylyq Aıhan Tólegenov bas júl­­deni ıelenip, báıgege tigilgen 3 mln teńgeni oljalady. Osy tus­­ta bul shabandozdyń qunan báı­gesine de qatysyp, ekinshi oryn alǵanyn aıta ketken jón. Qatarynan eki báıgege qatysqan shabandozdyń tózimdiligine jan­kú­ıer­ler qol soqty. Al jorǵa jary­­synyń ekinshi orny shy­­ǵysqazaqstandyq Vıtalıı Re­rı­h­ke buıyryp, oǵan jarysty uıym­dastyrýshylar 1,5 mln teńge tap­syrdy. Úshinshi oryn alǵan aqmolalyq shabandoz Dmıtrıı Volkov 1 mln, tórtinshi oryn al­ǵan almatylyq Jarylqasyn Sa­bazbekov 700 myń, besinshi oryn al­ǵan astanalyq E.Chıbısov 500 myń teńge syılyqqa ıe boldy.

Al EXPO - 2017 kýbogy úshin uıymdastyrylǵan jarysty ala­man báıge túıindedi. 21 shaqyrym qa­shyqtyqqa jalpy sany 62 tul­par jiberildi. Olardyń tek qy­ryq­t­aıy ǵana belgilengen 21 shaqyrym qashyqtyqty tolyq sha­ýyp ótip, kómbege jetti. Alamanda Almaty oblysynyń shabandozy Dıas Jumash top jaryp, bas báıgege tigilgen 13 mln teńgeni oljalasa, ekin­shi bolyp taǵy da Almaty obly­synyń júırigi keldi. Ony min­gen Erbol Zamýdınulyna 7 mln teńge berilse, úshinshi oryn al­ǵan pavlodarlyq Ibragım Bó­bek­baıǵa 5 mln teńge, tórtinshi kelgen Almaty oblysynyń sha­ban­d­ozy Dinmuhamed Bóbekbaıǵa 3 mln teńge, besinshi oryn alǵan Kırıll Zastejkoǵa 2 mln teńge syılyqqa ıe boldy.

Saıatshylar qustaryn, ańshy­lar tazylary men tóbetterin ta­nystyryp, kaskaderlar tea­tr­­l­an­­­­dyrylǵan kórinis qoıǵan, sóı­­tip at dese delebesi qozatyn jan­kúıerdi shat-shadyman kúıge bólegen jarystyń sońynda jeńimpazdar men júlde alǵan shabandozdarǵa Mádenıet jáne sport mınıstri Arystanbek Muhamedıuly, Aqparat jáne baılanys mınıstri Dáýren Abaev, Astana qalasynyń ákimi Áset Isekeshev, Atyraý oblysynyń ákimi Nurlan No­ǵaev­tar ıe bol­ǵan báıgelerin tapsyryp, marapattady.