Elordadaǵy ákimshilik sottyń sýdıalary úsh ese artyq jumys isteýde
NUR-SULTAN. QazAqparat – Elordadaǵy bir sýdıa jylyna 2800-ge deıin isti qarap, sheshim shyǵarady. Bul týraly Nur-Sultan qalasy mamandandyrylǵan aýdanaralyq ákimshilik sotynyń tóraǵasy Ýálıhan Rahmatýllaev aıtty, dep habarlaıdy QazAqparat tilshisi.
«2019 jyldyń 12 aıynda Nur-Sultan qalasynyń mamandandyrylǵan aýdanaralyq ákimshilik sotynyń óndirisine 36 736 ákimshilik is kelip tústi. Onyń 34 591-i óziniń negizi boıynsha qaralyp, tıisti sheshimder qabyldandy. Al jalpy 2018 jyly bizdiń sotqa 33 317 is túsken edi. ıAǵnı, 2019 jyly ákimshilik sottyń júktemesi 3,5 myń iske kóbeıip otyr. Sonymen qatar, ákimshilik sotqa memlekettik ókiletti organdardyń shyǵarǵan qaýlylaryn jáne olardyń is-áreketine shaǵymdanýyna baılanysty 1 417 is kelip túsken. Bul aryz-shaǵymdar tolyq qaralyp, tıisti sheshimderin tapty», - dedi Ýálıhan Rahmatýllaev qalalyq mamandandyrylǵan aýdanaralyq ákimshilik sotta ótken baspasóz máslıhatynda.
Sot tóraǵasy ákimshilik sottyń júktemesi aýyr ekenin aıtady. Onyń keltirgen málimetine sensek, 2019 jyly bir aıda árbir sýdıa shamamen 240-250 is qaraǵan.
«Bir jyldyń ishinde orta eseppen alǵanda bir sýdıanyń júktemesi 2700-2800 is bolyp otyr. Negizgi normatıvke baılanysty árbir sýdıa aıyna 80 is qaraýy kerek. ıAǵnı, bizdiń sýdıalar normatıvten áldeqaıda kóp kórsetkishpen jumys istep otyrǵanyn aıta ketkim keledi. Sonymen qatar 2019 jyly Nur-Sultan qalasynyń mamandandyrylǵan aýdanaralyq ákimshilik sotynyń quramy kóbeıip, sot quramy eki sýdıaǵa kóbeıtildi. Buryn ákimshilik sottyń quramynda 14 sýdıa qyzmet etýde», - dedi ol.
