Elordadaǵy Aqbulaq ózeniniń jaǵalaýy saltanatty túrde ashyldy
«Alataý» sport saraıynyń janyndaǵy alańda kontserttik baǵdarlama uıymdastyryldy, al anımatorlar kishkentaı búldirshinderdiń kóńilin kóterdi.
«Mundaı is-sharalardyń ashyq aspan astynda ótkeni keremet. Biz jaqyn jerde turamyz. Jalpy, maǵan Elorda kúni unaıdy. Qala kún sanap ózgerip jatyr, únemi bolmasa da, kóptegen qyzyqty is-sharaǵa barýǵa bolady», - dep oı bólisti astanalyq Aleksandra Feoktıstova.
Іs-sharanyń ereksheligi – kez kelgen adam óz tilegin bildire alatyn alǵys taqtasy qoıylǵan. Uıymdastyrýshylardyń aıtýynsha, bul taqtaıǵa ata-anaǵa, balaǵa, jubaıyna, qalaǵa, álemge «raqmet» dep jazýǵa bolady.
«Maǵan Astanamyzdyń barynsha kórkeıgeni unaıdy. Búgin qalamyzdyń 25 jyldyǵy atalyp ótip jatyr. Bul mereke balalar men eresekterge erekshe kóńil-kúı syılaıdy, al jaǵalaý mańaıy aıtarlyqtaı ózgerdi», - deıdi qala turǵyny Arman Keńesov.
Sondaı-aq, Baıqońyr aýdanynda ótken is-sharada metsenattar áleýmettik osal toptardyń balalaryna maýsymdyq kıim satyp alýǵa sertıfıkattaryn tabystady.
Aıta keteıik, bıyl Aqbulaq ózeniniń jaǵasynda Amman kóshesinen Táýelsizdik dańǵylyna deıin asfalt tóseldi, balalar oıyn alańy men workout-aımaqtar, kópir astyndaǵy jaıaý júrginshiler ótkeli jabdyqtaldy. Sondaı-aq, munda 25-ten astam oryndyq pen qoqys tastaıtyn jáshikter, 20-dan astam jaryqtandyrý tiregi ornatylyp, 90-nan astam aǵash otyrǵyzyldy.
