Elordadaǵy №54 mektep-lıtseıinde ozyq jobalar engizilýde
ASTANA. 23 jeltoqsan. QazAqparat /Rýslan Ǵabbasov/ - Búgin Astana ákimi Imanǵalı Tasmaǵambetov «Aqyldy qala» tujyrymdamasy boıynsha elordadaǵy №54 mektep-lıtseıinde iske qosylǵan «Bolashaq mektebi» jobasy aıasyndaǵy ınnovatsııalyq jabdyqtarmen tanysty.
Atap aıtqanda, osy ınovatsııalyq jańashyldyqtardy engizý turǵysynda atalǵan mektep ilki joba retinde iriktelinip alyndy. Joba aıasynda oqýshy kýáligi, biryńǵaı áleýmettik jeli, sondaı-aq kontentti oqýshylar úshin rettep taratýǵa negizdelgen Internet baılanystary engizilip otyr. Mektep oqytýshylarynyń aıtýynsha, osy bilim ordasynyń kireberisine ınteraktıvti ótkizý týrnıketteri ornatyldy. Endi oqýshy lıtseıge kirse nemese shyqsa ata-analaryna balasy jaıynda SMS arqyly tıisti aqparat taratylyp otyrady. Bundaǵy joǵary jyldamdyqty Internet jelisi jeńildikti tarıf boıynsha qamtamasyz etilmek. Sonymen qatar oqýshylarǵa tek oqý úderisine qajetti saıttarǵa kirý múmkindigi jasalady. Munymen qosa mektepte balalardyń bilim alýyna qolaıly bolýy úshin jaryqty, temperatýrany avtomatty túrde retteıtin ozyq jabdyqtar engiziletin bolady.
Aıta keteıik, «Aqyldy qala» (Smart Astana) jobasy elordadaǵy ınfraqurylymdy jańǵyrtýǵa negizdelip otyr. Osy arqyly qaladaǵy ekonomıkalyq, qorshaǵan orta, ákimdik, turǵyn úı sharýashylyǵy ortasy, áleýmettik baǵyttar jetildiriledi.
