Elordadaǵy Jeńis dańǵylynda jańa saıabaq ashyldy

ASTANA. KAZINFORM - Jeńis dańǵyly 34-te bos turǵan jer men eski úılerdiń ornyna jańa qoǵamdyq keńistik paıda boldy. 

Astana ákimdigi resmı saıtynyń málimetinshe, jańadan ashylǵan alańnyń aýdany 0,37 gektardy quraıdy. 

Jańa qoǵamdyq keńistiktiń aýmaǵynda ártúrli jastaǵy adamdarǵa arnalǵan oıyn alańdary bar eki qabatty «Aspan aǵashy» balalar kesheni ornatylǵan. Sondaı-aq sport alańdary men besedkalar qarastyrylǵan.

Jańa alańnyń ereksheligi – erekshe qajettilikteri bar balalar oınaı alatyn ınklıýzıvti aımaqtar. Sonymen qatar burynnan ósip turǵan barlyq aǵash saqtalyp, qosymsha 100-den astam úıeńki, qaraǵaı jáne badam otyrǵyzyldy. 

Aıta keteıik, bıyl Astanada barlyǵy 170 aýla men qoǵamdyq keńistik abattandyrylady. Ondaı jumystar qalanyń barlyq aýdanynda, sonyń ishinde turǵyn alaptarynda qamtylǵan. Jumystyń kóp bóligi aıaqtalǵan.

Eske sala keteıik, buǵan deıin elordada aýqymdy týrıstik aýdan qurý josparlanyp otyrǵanyn jazǵan edik.