Elordadaǵy Jangeldın kóshesiniń ýchaskesi ishinara jabylady

ASTANA. KAZINFORM – Jol tóseminiń ústińgi qabatyn salý jumystaryna baılanysty Respýblıka dańǵylynan bastap S. Raqymov kóshesine deıingi ýchaskedegi Á. Jangeldın kóshesi ishinara jabylady. 

Astana ákimdigi resmı saıtynyń málimetinshe, atalǵan kóshege jol jóndeý jumystary 31 tamyz ben 1 qyrkúıek aralyǵynda júrgiziledi. 

Mekeme qala turǵyndary men qonaqtarynan joldaǵy keptelisti boldyrmaý maqsatynda óz marshrýttaryn aldyn ala josparlaýdy suraıdy. 

Eske sala keteıik, buǵan deıin Astanadaǵy Alash tas jolyndaǵy kópir 1 qyrkúıekten bastap ashylatynyn jazǵan edik.