Elordadaǵy turǵyn úı keshenindegi órt kezinde 14 adam qutqaryldy
ASTANA. KAZINFORM — Saraıshyq aýdanynda A-91 kóshesinde ornalasqan toǵyz qabatty turǵyn úı keshenderiniń birinde jıhaz ben turmystyq zattar órtendi, dep habarlaıdy TJM baspasóz qyzmeti.
Órttiń aýmaǵy 10 sharshy metrdi qurady. Oqıǵa ornyna kelgen TJM qyzmetkerleri órtti sóndirýge jáne úı-jaılardy tekserýge kiristi.
— Ǵımarattan 110 adam ózdiginen evakýatsııalandy. Qutqarý jumystary barysynda gaz-tútinnen qorǵaý qyzmetiniń býyny qutqarý qalpaqtarynyń kómegimen 14 adamdy qutqardy. Olardyń ishinde 5 bala, — delingen habarlamada.
Vedomstvo málimetinshe, órt tolyq sóndirildi. Zardap shekkender joq.
TJM turǵyndardy órt qaýipsizdigi erejelerin saqtaýǵa shaqyrady.
Budan buryn Aqtóbede gaz quıý beketinde turǵan kólik órtenip, úsh adam janyp ketkenin jazǵanbyz.
