Elordadaǵy Turan dańǵylynyń ýchaskesi jóndeý jumysyna baılanysty jabylady

ASTANA. KAZINFORM – Astana qalasynda Turan dańǵylynyń Kereı Jánibek handar kóshesinen Syǵanaq kóshesine deıingi aralyǵynda jol tóseminiń ústińgi qabatyn salý boıynsha jumysty jalǵastyrady, dep habarlaıdy elorda ákimdiginiń resmı saıty. 

9-12 shilde aralyǵynda osy ýchaskedegi qozǵalys ishinara kezeń-kezeńmen jabylatyn bolady. Bul rette kólik qozǵalysy birinshi áýejaıdan qalaǵa qaraı, keıin qaladan áýejaıǵa qaraı bir baǵytta ǵana uıymdastyrylady.

Júrgizýshiler men jaıaý júrginshiler qozǵalys baǵytyn aldyn ala josparlap, qozǵalysty uıymdastyrýda múmkin bolatyn ózgeristerdi eskerýi qajet.

Qaýipsizdikti qamtamasyz etý jáne qolaısyzdyqtardy azaıtý maqsatynda ýaqytsha jol belgileri men baǵyttaýshy kórsetkishter ornatylady.

Eske sala keteıik, buǵan deıin Almatynyń birneshe aýdanynda kóshe jabylatynyn habarlaǵan edik.