Elordadaǵy Táýelsizdik dańǵylynyń ýchaskesi jóndeý jumysyna baılanysty jabylady
ASTANA. KAZINFORM – Astanada Táýelsizdik dańǵylynyń Q.Munaıtpasov kóshesinen B. Momyshuly dańǵylyna deıingi aralyǵynda jol jabynynyń joǵarǵy qabatyn salý jumysy júrgiziledi, dep habarlaıdy elorda ákimdiginiń resmı saıty.
Osyǵan baılanysty 20-25 maýsym aralyǵynda kólik qozǵalysy ishinara jabylady. Bul rette avtokólik quraldarynyń qozǵalysy eki baǵytta da taraptardyń biri boıynsha uıymdastyrylady.
Júrgizýshiler men jaıaý júrginshiler qozǵalys baǵytyn aldyn ala josparlap, múmkin bolatyn ózgeristerdi eskerýi qajet.
Qaýipsizdikti qamtamasyz etý jáne qolaısyzdyqtardy azaıtý maqsatynda ýaqytsha jol belgileri men baǵyttaýshy kórsetkishter ornatylady.
Eske sala keteıik, buǵan deıin Almatyda Esentaı ózeniniń jaǵalaýyn kórkeıtý jobasy ázirlenip jatqanyn jazǵan edik.