Elordadaǵy taǵy bir kóshe ýaqytsha jabylady

ASTANA. KAZINFORM – Astana qalasynyń Kólik jáne jol-kólik ınfraqurylymyn damytý basqarmasy A.Gertsen kóshesiniń M.Dýlatov kóshesinen Oqjetpes kóshesine deıingi aralyǵynda jol tósemine ortasha jóndeý júrgizedi, dep habarlaıdy elorda ákimdiginiń resmı saıty.

Bul rette A. Gertsen/M. Dýlatov kósheleriniń qıylysy tolyǵymen jabylady. Osyǵan baılanysty, 20-25 qyrkúıek aralyǵynda bul ýchaske tolyǵymen jabylady.

Júrgizýshiler men jaıaý júrginshiler júrý baǵytyn aldyn ala josparlaýy jáne yqtımal ózgeristerdi eskerýi qajet. Qaýipsizdikti qamtamasyz etý jáne qolaısyzdyqty azaıtý úshin ýaqytsha jol belgileri men kórsetkishter ornatylady.

Eske salsaq, buǵan deıin Astanadaǵy Áıteke bı kóshesiniń bir bóligi ýaqytsha jabylatynyn habarlaǵanbyz.