Elordadaǵy stýdent ólimine qatysty tolyq aqparat joq – Saıasat Nurbek

ASTANA. KAZINFORM – Ǵylym jáne joǵary bilim mınıstri Saıasat Nurbek elordadaǵy stýdent ólimine qatysty tolyq aqparat joq ekenin aıtty.

- Bul qaıǵyly oqıǵaǵa qatysty bizde áli tolyq aqparat joq. Ádettegideı búkil aqparatty Іshki ister mınıstrligine tapsyrdyq. Tergeý bastaldy ma, joq pa, oǵan qatysty málimetimiz joq. Іshki ister mınıstrligimen keliskenimizdeı, osyndaı oqıǵalarǵa qatysty aqparatty solar berip turady, - dedi mınıstr Aqordada BAQ ókilderiniń saýalyna oraı.

Sondaı-aq ol stýdenttiń joǵalyp ketkeni týraly aqparattan beıhabar bolǵanyn aıtty.

- 2,5 jyl buryn Іshki ister mınıstrligimen arnaıy kelisimshartqa qol qoıyldy. Búkil ýnıversıtetimizdegi beınekameralar ishki ister organdarynyń Ahýaldyq ortalyqtaryna 100 paıyz qosyldy. Osyndaı jaǵdaı bolǵanda birden pýltqa túsedi, - dedi ol.

Aıta keteıik, «Volontery Astany LIDER.KZ» qoǵamdyq uıymynyń Instagram paraqshasynda 11 qarasha kúni 19 jastaǵy Temirhan Temirlannyń joǵalyp ketkeni týraly habarlama shyqqan edi. Al 14 qarashada osy uıym jas jigittiń óli tabylǵanyn málim etti.

Buǵan deıin Kókshetaýda kolledj stýdenti jataqhanada kóz jumǵan bolatyn.