Elordadaǵy Syǵanaq kóshesiniń bir bóligi jóndeý jumysyna baılanysty jabyldy

ASTANA. KAZINFORM – Elordadaǵy Kólik jáne jol-kólik ınfraqurylymyn damytý basqarmasy Syǵanaq kóshesiniń Saýran kóshesinen Aqmeshit kóshesine deıingi jol tósemine ortasha jóndeý júrgizedi, dep habarlaıdy elorda ákimdiginiń resmı saıty.

Osyǵan baılanysty 18-21 shilde aralyǵynda kórsetilgen ýchaskede qozǵalys ishinara jabylady. Osy ýaqytta kólik qozǵalysy eki baǵytta bir jaǵynan kezeń-kezeńimen uıymdastyrylady.

Elorda turǵyndary men qonaqtary qala joldarynda keptelis boldyrmas úshin qozǵalys baǵytyn aldyn ala josparlaýy qajet.

Eske sala keteıik, buǵan deıin Astanadaǵy Kereı-Jánibek handar kóshesiniń bir bóligi ýaqytsha jabylatynyn habarlaǵan edik.