Elordadaǵy Syǵanaq kóshesinde kólik qozǵalysy shekteledi
ASTANA. KAZINFORM - Elordadaǵy Syǵanaq kóshesiniń bir bóligi jabylady, dep habarlaıdy "Astana qalasynyń Kólik jáne jol-kólik ınfraqurylymyn damytý basqarmasy" MM baspasóz qyzmeti.
"Sh. Aıtmatov kóshesinen bastap Áıteke bı kóshesine deıingi ýchaskede Syǵanaq kóshesindegi jol tóseminiń ústińgi qabatyn salý boıynsha jumystar júrgiziledi.
Osyǵan baılanysty aǵymdaǵy jyldyń 17, 18 tamyzda joǵaryda kórsetilgen ýchaske ishinara jabylatyn bolady. Bul rette qozǵalys joldyń bir jaǵymen eki baǵytta qamtamasyz etiletin bolady.
Elorda turǵyndary men qonaqtaryn qala joldaryndaǵy keptelisterdi boldyrmaý maqsatynda óz marshrýttaryn aldyn ala josparlaýdy suraımyz. Ýaqytsha qolaısyzdyqtar úshin keshirim suraımyz jáne jol-qurylys jumystaryn júrgizýge túsinistikpen qaraýdy suraımyz" delingen habarlamada.
