Elordadaǵy Shyńǵys Aıtmatov kóshesiniń bir bóligi ýaqytsha jabylady

ASTANA. KAZINFORM – Bas qaladaǵy Shyńǵys Aıtmatov kóshesiniń Syǵanaq kóshesinen Q.Muhamedhanov kóshesine deıingi aralyǵynda jol tósemine ortasha jóndeý júrgiziledi, dep habarlaıdy elorda ákimdiginiń resmı saıty. 

Osyǵan baılanysty, 21-29 maýsym aralyǵynda kólik qozǵalysy ishinara jabylady. Bul rette kólik qozǵalysy eki baǵytta taraptardyń biri boıynsha uıymdastyrylady.

Júrgizýshiler men jaıaý júrginshiler qozǵalys baǵytyn aldyn ala josparlap, múmkin bolatyn ózgeristerdi eskerýi qajet.

Qaýipsizdikti qamtamasyz etý jáne qolaısyzdyqtardy azaıtý maqsatynda ýaqytsha jol belgileri men baǵyttaýshy kórsetkishter ornatylady.

Eske sala keteıik, buǵan deıin Almatyda taǵy bir kóshe eki aıǵa jabylatynyn jazǵan edik.