Elordadaǵy Sháımerdenov kóshesiniń bir bóligi jabylady
ASTANA. KAZINFORM – Astana qalasynyń Kólik jáne jol-kólik ınfraqurylymyn damytý basqarmasy 18-21 sáýir aralyǵynda S.Sháımerdenov kóshesiniń J.Nájimedenov kóshesinen A.Baıtursynov kóshesine deıingi bóligine ortasha jóndeý júrgizedi, dep habarlaıdy elorda ákimdiginiń resmı saıty.
Osy ýaqytta kólik qozǵalysy eki baǵytta bir jaǵynan kezeń-kezeńimen uıymdastyrylady.
Júrgizýshiler men jaıaý júrginshilerden júrý baǵytyn aldyn ala josparlaýy jáne yqtımal ózgeristerdi eskerýi qajet.
Qaýipsizdikti qamtamasyz etý jáne qolaısyzdyqty azaıtý úshin ýaqytsha jol belgileri men kórsetkishter ornatylatyn bolady.
Eske salsaq, osyǵan deıin Almatyda 19 sáýir kúni ótetin jartylaı marafonǵa baılanysty birqatar kóshe jabylatynyn habarlaǵanbyz.
