Elordadaǵy Sáken Seıfýllın kóshesiniń bir bóligi ýaqytsha jabylady

ASTANA. KAZINFORM – Astana qalasynyń Kólik jáne jol-kólik ınfraqurylymyn damytý basqarmasy S.Seıfýllın kóshesiniń Respýblıka dańǵylynan Saryarqa dańǵylyna deıingi aralyǵynda jol tósemine ortasha jóndeý júrgizedi, dep habarlaıdy elorda ákimdiginiń resmı saıty. 

Osyǵan baılanysty 26 maýsym men 6 tamyz aralyǵynda atalǵan ýchaskede qozǵalys ishinara jabylady. Bul rette kólik qozǵalysy birinshi Respýblıka dańǵylyna qaraı, keıin Saryrqa dańǵylyna qaraı bir baǵytta ǵana uıymdastyrylady. 

Júrgizýshiler men jaıaý júrginshiler qozǵalys baǵytyn aldyn ala josparlaýy jáne yqtımal ózgeristerdi eskerýi qajet. Qaýipsizdikti qamtamasyz etý jáne qolaısyzdyqty azaıtý úshin ýaqytsha jol belgileri men kórsetkishter ornatylady. 

Eske sala keteıik, buǵan deıin Qaraǵandynyń eki iri aýdanyn tikeleı jalǵaıtyn jańa jol salynatynyn habarlaǵan edik.