Elordadaǵy paradqa el óńirlerinen soǵys ardagerleri keldi
ASTANA. KAZINFORM – Uly Jeńistiń 80 jyldyǵyna arnalǵan áskerı paradqa el óńirlerinen soǵys ardagerleri keldi.
Qazir el aýmaǵynda 105 soǵys ardageri bar. Olar 80 jyldan beri beıbitshiliktiń qadir-qasıetin qazirgi urpaqqa aıtyp, túsindirip keledi. Osy oraıda búgingi áskerı paradqa 6 soǵys ardageri arnaıy kelip, qatysyp otyr.
Atap aıtqanda, Astana qalasynan Rzaǵul Baıkeshev, Almaty qalasynan Vladımır Belozerov, Qosshy qalasynan Nurqasym Ájitaev, Qostanaı qalasynan Qasymhan Aldabergenov, Óskemen qalasynan Qurmat Rahımov, Qaraǵandy qalasynan Grıgorıı Stepenko keldi.
Budan buryn 2025 jylǵy 1 sáýirdegi jaǵdaı boıynsha Qazaqstanda Ekinshi dúnıejúzilik soǵysynyń 111 ardageri, sondaı-aq Uly Jeńiske úles qosqan basqa sanattaǵy 41 468 ardager turyp jatqanyn jazǵan edik.
Eske salsaq, bıyl aqpan aıynda Ulttyq ulan sarbazdary 101 jastaǵy ardager Rzaǵul Baıkeshevti arnaıy quttyqtaǵan edi.