Elordadaǵy «Nur Álem» sferasynda Álem AІ Halyqaralyq jasandy ıntellekt ortalyǵy ashylady
ASTANA. KAZINFORM — Elordadaǵy EKSPO qalashyǵyndaǵy «Nur Álem» sferasynda Álem AІ Halyqaralyq jasandy ıntellekt ortalyǵy ashylady. Bul týraly Tsıfrlyq damý, ınnovatsııalar jáne aeroǵarysh ónerkásibi mınıstri Jaslan Mádıev aıtty.
— Memleket basshysynyń ıdeıasy boıynsha EKSPO qalashyǵynyń marjany — Sfera-pavılony bazasynda Álem AІ Halyqaralyq jasandy ıntellekt ortalyǵy paıda bolady. Qazirgi ýaqytta shardyń ishin tolyqtaı jańartyp jatyrmyz. Eksponattardy bári shyǵarylyp, taqyryptary boıynsha mýzeılerge bólinip berildi, — dedi mınıstr Parlament palatalarynyń birlesken otyrysynan keıin BAQ ókilderiniń saýalyna oraı.
Onyń atap ótýinshe, sfera-pavılon 8 qabattan turady. Onyń birinshi qabaty qoǵamdyq keńistik bolady. Onda AI-mýzeı, AI-kınoteatr, balalarǵa AI-aımaq, jasandy ıntellekt salasyna arnalǵan ІT-keńistik ornalasady.
2 jáne 3-qabatta ІT-mamandyǵynyń 11 baǵyty boıynsha 12 men 18 jastaǵy balalarǵa bilim beretin TUMO Education baǵdarlamasy qolǵa alynady.
— 4 jáne 5 etaj Tomorrow School bolady. Bul — óńirdegi birinshi jasandy ıntellekt mektebi. 100 orynǵa shaqtalǵan bul mektepti Astana Hub-ta iske qostyq. Úsh ret irikteý júrgizdik. Ár irikteýge 3 500-den astam ótinim tústi. ıAǵnı, qyzyǵýshylyq óte úlken. Baǵdarlama 18-den 24 aıǵa deıin sozylady. Bul baǵdarlamanyń ereksheligi — oqytýshy joq, stýdentter bir-birinen úırenedi. Stýdentter jasy 18-den 45 jasqa deıin. Aptasyna táýlik boıy ashyq bolady, tegin. Ony óńirlerde de taratamyz. Qazaqstan boıynsha 6-7 mektep ashamyz, — dedi Jaslan Mádıev.
Mınıstrdiń aıtýynsha, 6-qabatta startaptarǵa arnalǵan AІ-kampýs, al 7-qabatta R& D-keńseler men Big Tech kompanııalardyń AI-zerthanalary bolady. Qazirdiń ózinde Google kompanııasymen aldyn ala kelisim bar. Olar Google Engineering Training Center ashady. Munan bólek, ózge de iri kompanııalardyń keńseleri men zerthanalary ornalastyrylady.
— 8-qabatta AІ-memleket — AI-driven government bolady. Onda ekonomıka sektorlaryna jasandy ıntellektini engizý úshin memleket, ǵylym jáne bıznes kollaboratsııasy júzege asyrylady, — dedi Jaslan Mádıev.
Buǵan deıin elordadaǵy EXPO qalashyǵy Tsıfrlyq damý mınıstrliginiń qaramaǵyna ótetinin jazǵan edik