Elordadaǵy mektepterdiń birinde 7 jyl boıy zańsyz jalaqy men syıaqy berilip kelgen

ASTANA. KAZINFORM - Elorda prokýratýrasy tekserý qorytyndysy boıynsha mektepterdiń birinde bıýdjet qarajatyn jymqyrý faktilerin anyqtady.

Astana qalalyq prokýratýrasy baspasóz qyzmetiniń habarlaýynsha, 7 jyl boıy joq mektep qyzmetkerlerine jalaqy men syıaqylar zańsyz aýdarylǵan.

Memleketke keltirilgen shyǵynnyń jalpy somasy 130 mln teńgeden astam. Tergeý barysynda mektep qyzmetkerleri óz kinálaryn tolyq moıyndady.

«Sot úkimimen kináliler 7 jylǵa bas bostandyǵynan aıyrý jazasyna sottaldy. Memleket paıdasyna keltirilgen materıaldyq shyǵyn sottalǵandardan óndirildi. Úkim zańdy kúshine endi»,-delingen habarlamada.