Elordadaǵy Maral kópiriniń bir bóligi jóndeý jumysyna baılanysty jabylady

ASTANA. KAZINFORM – Astana qalasynyń Kólik jáne jol-kólik ınfraqurylymyn damytý basqarmasy Maral kópiri (M2) boıyndaǵy deformatsııalyq tigister boıyndaǵy jol tósemin qalpyna keltirý jumysyn júrgizedi, dep habarlaıdy elorda ákimdiginiń resmı saıty.

– 6 qyrkúıek kúni saǵat 15:00-den 8 qyrkúıekke deıin kólik qozǵalysy ishinara shekteledi, - delingen habarlamada. 

Bul rette kólik qozǵalysy taraptardyń birimen eki baǵytta da uıymdastyrylady.

Júrgizýshiler men jaıaý júrginshiler qozǵalys baǵytyn aldyn ala josparlaýy jáne yqtımal ózgeristerdi eskerýi qajet. Qaýipsizdikti qamtamasyz etý jáne qolaısyzdyqty azaıtý úshin ýaqytsha jol belgileri men kórsetkishter ornatylady. 

Eske sala keteıik, buǵan deıin Qazaqstandaǵy eń uzyn kósheni jóndeý jumystary aıaqtalýǵa jaqyn ekenin jazǵan edik.