Elordadaǵy Máńgilik El dańǵyly jóndeý jumysyna baılanysty ishinara jabylady

ASTANA. KAZINFORM – Bıyl elordada jalpy uzyndyǵy 72 km bolatyn 60-tan astam kóshege jóndeý júrgizý josparlanyp otyr, onyń ishinde Máńgilik El dańǵyly boıynsha jumystar josparlanyp otyr, dep habarlaıdy Astana ákimdiginiń resmı saıty. 

19-25 sáýir aralyǵynda Máńgilik El dańǵylynyń ýchaskesinde Saraıshyq/Máńgilik El kósheleriniń qıylysyndaǵy kólik aıryǵynan F. Ońǵarsynova kóshesine deıin jol tóseminiń joǵarǵy qabatyn aýystyrý boıynsha jumys kezeń-kezeńimen júrgiziledi. Bul jumystar kepildik mindettemelerdiń bir bóligi sanalady jáne olardy oryndaý merdiger uıymdardyń – «Energodor» JShS jáne «ABZ plıýs» JShS qarajaty esebinen júzege asyrylady. 

Osyǵan baılanysty atalǵan kezeńde jol ýchaskesi ishinara jabylady. Qozǵalys eki baǵytta da taraptardyń biri boıynsha uıymdastyrylady. 

Elorda turǵyndary men qonaqtarynan yqtımal keptelister men ýaqytsha qolaısyzdyqtarǵa tap bolmas úshin qozǵalys baǵytyn aldyn ala josparlaǵany jón. 

Bıyl qalada barlyǵy 60-tan astam kóshe jóndeledi. Olardyń ishinde:

– Jańaqonys kóshesi A. Kenjınnen D. Babataıulyna deıin;

– Qartaly kóshesi Oqjetpes kóshesinen M. Dýlatov kóshesine deıin;

– Alashtas joly 191-kósheden aınalma jolǵa deıin;

– Qorǵaljyn tasjoly (trotýarlar ornatý)

– Abylaıhan dańǵyly B. Momyshuly dańǵylynan Manas kóshesine deıin;

– Jumabaev kóshesi B. Momyshulynan Qoshqarbaev dańǵylyna deıin;

– S. Seıfýllın kóshesi Saryarqa dańǵylynan Respýblıka dańǵylyna deıin jáne t.b.

Sondaı-aq qurylys aıasynda jobalardy iske asyrý josparlanǵan:

– Q. Qaısenov kóshesin Buqar jyraý kóshesinen Uly Dala dańǵylyna deıin salý;

– Buqar jyraý kóshesin Joshy han kóshesinen Ál-Farabı dańǵylyna deıin salý;

– Mıras mektebinen M. Jumabaev kóshesine deıin Kúıshi Dına kóshesiniń qurylysy jáne t.b.