Elordadaǵy Máńgilik el dańǵyly ýaqytsha jabylady

ASTANA. KAZINFORM - 3 qarashada Astanada saǵat 08:00–den 20:00–ge deıin Máńgilik el dańǵylynyń boıynda Syǵanaq kóshesimen qıylysatyn jerde kólik qozǵalysy men qoǵamdyq kólikter qozǵalysy tolyǵymen shekteledi. Bul týraly Astana qalasynyń monıtorıng agenttigi habarlady.

«Qurmetti elorda turǵyndary men qonaqtary! 3 qarashada saǵat 08:00–den 20:00–ge deıin № 12, 15, 15 A, 18, 19, 21, 32, 35, 43, 46, 50, 55 A, 55 B, 61, 70 baǵdarlardyń qozǵalys syzbasy ýaqytsha ózgeredi. Sebebi, LRT estakadasynyń ýaqytsha metall tirekterin demontajdaýǵa baılanysty, Máńgilik el dańǵyly boıynda Syǵanaq kóshesimen qıylysynda qozǵalys jabylady», — delingen monıtorıng ortalyǵy habarlamasynda.

Astana qalasynyń monıtorıng agenttigi qala qonaqtary men turǵyndarynan saparlaryn aldyn ala josparlaýdy eskertti.