Elordadaǵy LRT nysandarynda qaýipsizdik sharalary kúsheıtildi
ASTANA. KAZINFORM — Elorda turǵyndarynyń LRT-ǵa degen qyzyǵýshylyǵynyń artýyna baılanysty QR ІІM Ulttyq ulanynyń áskerı qyzmetshileri stantsııalarda jolaýshylardyń qaýipsizdigin qamtamasyz etip jatyr.
Ulandyqtar qoǵamdyq tártipti qadaǵalaýǵa, qaýipsizdik erejeleriniń saqtalýyna, jolaýshylar qozǵalysyn retteýge kómektesedi.
Stantsııalardaǵy turaqtylyqty úılestirý qajettiligi jolaýshylar aǵynynyń jáne turǵyndardyń jańa kólik obektisine degen suranysynyń artýyna baılanysty týyndap otyr.
Qoǵamdyq tártip áskeriniń sarbazdary stantsııalardyń ishinde ǵana emes, oǵan irgeles aýmaqtarda da qyzmet atqarady. Dálirek aıtsaq, azamattarǵa kómek kórsetedi jáne jolaýshylardyń qaýipsiz qozǵalysyn qamtamasyz etedi.
Negizgi mindet — elorda turǵyndary men qonaqtary úshin qolaıly jaǵdaı jasaý, sondaı-aq qoǵamdyq quqyq buzýshylyqtardyń aldyn alý. Azamattardyń qaýipsizdigine jáne tótenshe jaǵdaılarǵa jol bermeýge erekshe nazar aýdarylady.
— Qazirgi tańda qyzmet 17 stantsııada eki aýysymdyq rejımmen júrgizilip jatyr. Stantsııalarda jolaýshylar aǵynyn retteýge jáne turaqtylyqtyń saqtalýyna basymdyq berilip otyr. Atalmysh sharalar polıtsııa qyzmetkerlerimen, kólik qyzmetteriniń ókilderimen jáne LRT ákimshiligimen tyǵyz birlesip uıymdastyrylǵan, — delingen habarlamada.
Osyǵan deıin Astanadaǵy LRT-ǵa «Tarlan Astana» ataýy berilýi múmkin ekenin jazǵanbyz.
