Elordadaǵy LRT qurylysynda kran qulady
ASTANA. KAZINFORM – Astanada Kereı-Jánibek handar men Qabanbaı batyr kósheleriniń qıylysyndaǵy LRT qurylys alańynda kran opyrylyp tústi. Zardap shekkender joq.
«City Transportation Systems» JShS Qabanbaı batyr dańǵyly men Kereı Jánibek handar dańǵylynyń qıylysynda saǵat 10:35-te armatýrany kóterý kezinde baǵyttama kran qulaǵanyn habarlady. Kran «Vremena Goda» turǵyn úı kesheniniń kólik turaǵyna qulaǵan. Zardap shekkender joq. Oqıǵa ornynda merdigerdiń, basshylyqtyń, STS jáne polıtsııanyń jaýapty qyzmetkerleri júr.
Sondaı-aq oqıǵa ornyna QR Tótenshe jaǵdaılar mınıstrligi Ónerkásiptik qaýipsizdik komıtetiniń Astana qalasy boıynsha departamentiniń basshylyǵy da shyǵyp úlgerdi.
«Zoomlion júk kótergish kran China Railway Asia-Europe Construction Investment kompanııasyna tıesili. Apattyń aldyn ala sebebi – shamadan tys júkteme. Avtokran tirkelmegen jáne jumysqa ruqsat almaǵan. Qorytyndylary týraly qosymsha habarlanady. Apattyń mán-jaıyn anyqtaý úshin komıssııa qurylyp jatyr», - delingen ónerkásiptik qaýipsizdik komıtetiniń habarlamasynda.
Buǵan deıin Astana ákimi Jeńis Qasymbek joldyń estakadalyq bóligin 2024 jyldyń sońyna deıin aıaqtaý josparlanyp otyrǵanyn habarlaǵan bolatyn. Kelesi jyly relster tóseledi.