Elordadaǵy qonaq úılerdiń birinde kassadan 1 mln teńge urlandy
ASTANA. KAZINFORM – Astanada kúzetshisi uıyqtap jatqan qonaq úıdiń kassasynan 1 mln teńgege jýyq aqsha urlandy. Bul týraly Polisia.kz. jazdy.
Astana qalasy PD Esil aýdany PB krımınaldyq polıtsııa qyzmetkerleri jedel-izdestirý is-sharalaryn júrgizý barysynda qonaq úı kassasynan 1 mln 52 myń teńge urlady degen kúdikpen 28 jastaǵy qala turǵynyn anyqtady.
Belgili bolǵany, er adam túngi ýaqytta ońaı olja izdep júrip, esigi ashyq qonaq úıdi baıqaǵan.
«Kúdikti ishke kirgende kúzetshi men ákimshiniń uıyqtap jatqanyn kórip, kassadan qomaqty somada qolma-qol aqsha oralǵan paketti jasyryn alyp ketken. Urlanǵan aqshanyń jartysyn ol óz keregine jaratyp úlgergen», — delingen habarlamada.
Atalǵan faktige qatysty qylmystyq is qozǵaldy. Er adam moıyndaý kórsetpelerin berdi.
Sondaı-aq onyń elorda aýmaǵynda jasalǵan urlyqtyń taǵy eki faktisine qatysy bary anyqtaldy.
