10:35, 17 Maýsym 2024 | GMT +6
Elordadaǵy Qabanbaı batyr dańǵylynyń boıyndaǵy ýchaske tolyǵymen jabylady
ASTANA. KAZINFORM – Syǵanaq kóshesinen Almaty kóshesine deıin Qabanbaı batyr dańǵylynyń boıyndaǵy ýchaske tolyǵymen jabylady. Bul týraly elorda ákimdiginiń resmı saıty habarlady.
Astana qalasy Kólik jáne jol-kólik ınfraqurylymyn damytý basqarmasynyń málimetinshe, jol tóseminiń joǵarǵy qabatyn tóseýge baılanysty osy jyldyń 17 maýsymy saǵat 10:00-den 18 maýsym kúni saǵat 07:00-ge deıin joǵaryda atalǵan ýchaske tolyǵymen jabylady.
Elorda turǵyndary men qonaqtarynan qala joldaryndaǵy keptelisterdi boldyrmaý maqsatynda óz marshrýttaryn aldyn ala josparlaýdy suraıdy.
Eske salsaq, buǵan deıin Astanada Máńgilik el dańǵylynyń ýchaskesi jóndeý jumysyna baılanysty jabylatynyn jazǵan edik.
