Elordadaǵy EXPO qalashyǵy Tsıfrlyq damý mınıstrliginiń qaramaǵyna ótedi
ASTANA. KAZINFORM — Elordadaǵy EXPO qalashyǵy Tsıfrlyq damý mınıstrliginiń qaramaǵyna ótedi. Bul týraly Tsıfrlyq damý, ınnovatsııalar jáne aeroǵarysh ónerkásibi mınıstri Jaslan Mádıev aıtty.
— Bári ras, QazExpoCongress kompanııasyn Tsıfrlyq damý mınıstrliginiń qaraýyna berý týraly sheshim Úkimet qaýlysymen qabyldandy. Osy jyldyń 1 shildesinen ótýi tıis. Osynaý EKSPO qalashyǵyn odan ary qaraı damytýǵa qatysty josparymyz bar. Bul elimizdiń ekonomıkasyn damytý úshin óziniń ınnovatsııalyq úlesin qosatyn qalashyqqa aınalýy tıis, — dedi mınıstr Parlament palatalarynyń birlesken otyrysynan keıin BAQ ókilderiniń saýalyna oraı.
Búgin Parlament palatalarynyń birlesken otyrysynda Úkimet jáne Joǵary aýdıtorlyq palatanyń 2024 jylǵy respýblıkalyq bıýdjettiń atqarylýy týraly esepteri bekitildi.
Otyrys sońynda Premer-mınıstr Oljas Bektenov Úkimet óz jumysynda memleket múddelerin árdaıym birinshi orynǵa qoıatynyn aıtty.
— Úkimet jumysynda jetistikter de, qatelikter de bolady. Ómir bolǵannan keıin qateliksiz bolmaıdy. Biraq, eń basty aıtatynym, Úkimet óz jumysynda memleket múddelerin árdaıym birinshi orynǵa qoıady. Sondyqtan aldaǵy ýaqytta da ortaq jumysymyz jemisti bolsyn, — dedi Oljas Bektenov.