Elordadaǵy avtobýs baǵdarlary taǵy keńeıtilmek
ASTANA. KAZINFORM — Búgin Astana qalasy Qoǵamdyq keńesiniń otyrysynda elordadaǵy qoǵamdyq kóliktiń baǵdarlary keńeıtiletini aıtyldy.
- Búginde elordanyń qoǵamdyq kóligi 10 avtobýs parkimen, onyń ishinde bir kommýnaldyq avtobýs parkimen qamtylǵan, 117 baǵdar boıynsha qyzmet kórsetedi. Onyń ishinde: 83 – qalalyq, 26 – qala mańy jáne 8 – ekspress marshrýt. 2023–2025 jyldary 1127 jańa avtobýs satyp alynyp, jyljymaly quramnyń jańarý deńgeıi shamamen 67%-dy qurady. 2025 jyly №1 avtobýs parki gazben júretin 300 avtobýs satyp aldy, - dedi Astana qalasynyń Kólik jáne jol-kólik ınfraqurylymyn damytý basqarmasy basshysy orynbasarynyń mindetin atqarýshy Madııar Tuqpatov.
Sonymen qatar ol qaladaǵy baǵdarlardyń jelisin damytý jumystary jalǵasyp jatqanyn aıtty.
- 2025 jyly 12 jańa marshrýt, al 2026 jyldyń birinshi jartyjyldyǵynda taǵy 6 jańa baǵdar iske qosyldy. Olar elordanyń iri aýdandary men jolaýshylar aǵyny qalyptasatyn negizgi nysandaryn qamtıdy, - dedi basqarma ókili.
Budan buryn habarlanǵandaı, Tarlan Astana jeńil relsti kólik júıesi iske qosylǵan sátten beri onyń qyzmetin 8 mln-nan astam jolaýshy paıdalandy.
