Elordadaǵy avtobýs apaty: Bir jolaýshynyń aıaǵy ampýtatsııalandy

ASTANA. KAZINFORM — Keshe elordadaǵy avtobýspen bolǵan jol apaty kezinde zardap shekken 1 jolaýshynyń aıaǵyna ampýtatsııa jasaldy.

Bul týraly Astana qalasynyń qoǵamdyq densaýlyq saqtaý basqarmasynan málim etti.

— Jedel medıtsınalyq járdem brıgadalary qala statsıonarlaryna barlyǵy 15 adamdy jetkizdi. Olardyń úsheýi aýrýhanaǵa jatqyzyldy. Qalǵandary úıge jiberildi. Aýrýhanaǵa jatqyzylǵandardyń jaǵdaıy turaqty aýyr jáne óte aýyr dep baǵalanady. Bir patsıenttiń aıaǵynyń tómengi bóligi kesildi. Barlyq zardap shekkenderge qajetti medıtsınalyq kómek tolyq kólemde kórsetiledi, — delingen vedomstvonyń Instagram paraqshasynda jarııalanǵan aqparatta.

Buǵan deıin habarlaǵanymyzdaı, keshe Astanada avtobýs júrgizýshisi rólge ıe bola almaı, jol jıegindegi baǵanǵa soǵyldy.