Elordadaǵy avtobýs apaty: 7 adam aýrýhanaǵa jatqyzyldy
ASTANA. KAZINFORM – 21 aqpanda avtobýstyń baǵanaǵa soqtyǵysýy saldarynan 15 adam elordadaǵy №1 qalalyq aýrýhanaǵa jetkizildi. Bul týraly №1 aýrýhanadan málim etti.
Tekserý nátıjesinde 8 adam dárigerlerdiń usynysymen ambýlatorlyq em alýǵa úılerine jiberildi.
— 7 naýqas emdelý úshin aýrýhanaǵa jatqyzyldy, onyń tórteýine operatsııa jasaldy. Barlyq naýqas dárigerlerdiń turaqty baqylaýynda jáne tolyq kólemde qajet em-dom alady, - delingen taratylǵan málimette.
Al avtobýs júrgizýshisine operatsııa jasalyp, qazir onyń jaǵdaıy ortasha aýyr, biraq turaqty. Ol jaraqattar bólimine aýystyryldy.
Budan buryn habarlanǵandaı, Astanada avtobýs baǵanaǵa soǵylyp, jolaýshylar jaralanǵanyn jazǵan edik.
Avtobýstyń júrgizýshisi kólikti basqara almaı jol jıeginde turǵan baǵanaǵa soǵylǵan. Oqıǵa bolǵan kezde avtobýsta 25-ke jýyq jolaýshy bolǵan.