Elordadaǵy Alash tasjolynyń ýchaskesi jóndeý jumysyna baılanysty jabylady
ASTANA. KAZINFORM – Astana qalasynyń Kólik jáne jol-kólik ınfraqurylymyn damytý basqarmasy Alash tasjolynyń 191 kóshesinen 69 kóshesine deıingi ýchaskede ortasha jóndeý júrgizedi, dep habarlaıdy elorda ákimdiginiń resmı saıty.
Osyǵan baılanysty, 25-29 mamyr aralyǵynda kórsetilgen ýchaskede qozǵalys ishinara jabylatyn bolady. Osy ýaqytta kólik qozǵalysy eki baǵytta bir jaǵynan kezeń-kezeńimen uıymdastyrylady.
Júrgizýshiler men jaıaý júrginshiler qozǵalys baǵytyn aldyn ala josparlaýy jáne yqtımal ózgeristerdi eskerýi qajet. Qaýipsizdikti qamtamasyz etý jáne qolaısyzdyqty azaıtý úshin ýaqytsha jol belgileri men kórsetkishter ornatylatyn bolady.
Eske sala keteıik, buǵan deıin elordada Nurjol býlvarynyń ýchaskesi ýaqytsha jabylatynyn habarlaǵan edik.