Elordadaǵy Abaı dańǵylynyń bir bóligi ýaqytsha jabylady
ASTANA. KAZINFORM – Astana qalasynyń Kólik jáne jol-kólik ınfraqurylymyn damytý basqarmasy 22 sáýirden bastap Abaı dańǵylynyń Respýblıka dańǵylynan Saryarqa dańǵylyna deıingi aralyqta jol jabynynyń joǵarǵy qabatyn tóseý jumysyn júrgizedi, dep habarlaıdy elorda ákimdiginiń resmı saıty.
Osyǵan baılanysty qozǵalys kezeń-kezeńimen jabylady.
Júrgizýshiler men jaıaý júrginshiler jol júrý baǵytyn aldyn ala josparlaýy jáne yqtımal ózgeristerdi eskerýi qajet. Qaýipsizdikti qamtamasyz etý jáne qolaısyzdyqty azaıtý úshin ýaqytsha jol belgileri men kórsetkishter ornatylady.
Eske sala keteıik, buǵan deıin elordada birneshe kósheniń qıylysy jóndeý jumysyna baılanysty ýaqytsha jabylatynyn habarlaǵanbyz.
