Elordadada 15 metrlik jent jasaldy

ASTANA. KAZINFORM – Naýryz meıramy qarsańynda Astana qalasyndaǵy servıs jáne týrızm kolledj ujymy umytylyp bara jatqan qazaqtyń dástúrli taǵamy – jentti daıyndaýdy qolǵa aldy, dep habarlaıdy elorda ákimdiginiń resmı saıty.

Bul sharaǵa 15 óndiristik oqytý sheberi, 31 oqytýshy jáne 55 stýdent belsendi túrde qatysyp, ulttyq taǵamdy ázirleýdiń qyr-syryn meńgerýde.

Daıyn ónimniń kólemi de tańǵalarlyq: jentke 50 kg talqan qoldanyldy. Onyń jalpy uzyndyǵy – 15 metr, eni – 30 sm, al bıiktigi – 4 sm.

Jalpy salmaǵy – 150 kg jýyq.

Aıta keteıik, jent qazaqtyń asa sheberlikpen jasaıtyn ári óte dámdi, taǵamdyq nári mol jeńsik taǵamdardyń biri. Jent qysta qatpaıdy, jazda buzylmaıdy, árqashan dámi men nárin saqtaıdy. Soǵan oraı kóshpeli halyqtyń dastarqanynan úlken oryn alǵan.

Taldyqorǵanda oqýshylardy ulttyq taǵamdarmen qarsy alatyn mektep bar.