Elordada160 myń sharshy metrden astam gúl otyrǵyzyldy
ASTANA. QazAqparat - Jaz maýsymy bastalysymen elordada qala aýmaǵyn abattandyrý men kógaldandyrý boıynsha keshendi jumystar júrgizilip jatyr.
«Astana-Zelenstroı» AQ habarlaýynsha, bıyl qala aýmaǵynda 160 myń sharshy metrden astam gúl otyrǵyzyldy.
Gúlzarlar biregeı oıý-órnektermen bezendiriledi, túrli gúlderdiń beınesi bederlenedi.
Kún saıyn kommýnaldyq qyzmetter gúl sýarý jumystaryn júrgizedi. Mysaly, «Almaty» men «Saryarqa» aýdandarynda gúl sýarý jumystaryna bir kúnniń ishinde 180 tekshe metr, al «Esil» aýdanynda 120 tekshe metr sý paıdalanylady.
Eske sala keteıik, bıyl Astana aýmaǵynda «Alpi tóbeshikteri» oıýy salynǵan jańa gúlzarlar Jastar shaǵynaýdanynda, Pýshkın kóshesinde, Qudaıberdiuly kóshesinde, Dostyq kóshesi jáne Qabanbaı batyr dańǵylynda jasalady.
Gúlmen órnektelgen pishinderdi Astanalyq tsırk alańynda, «Báıterek» monýmentiniń aldynda, jańa alańda jáne Otan qorǵaýshylar monýmentiniń aldyndaǵy alańda tamashalaýǵa bolady. Sonymen birge, Dostyq kóshesi men Turan dańǵylynda da gúl kompozıtsııalary qolǵa alynbaq.
B. Momyshuly dańǵylynyń boıynda tirek qabyrǵalarǵa dekoratıvti butalar men kópjyldyq gúlder ornatylady, dep habarlaıdy astana.k.
