Elordada jyljymaly kóliktik baqylaý beketteriniń jumysy tanystyryldy - Kólik jáne kommýnıkatsııa mınıstrligi
ASTANA. Naýryzdyń 26-sy. QazAqparat - Búgin Astana qalasynyń jyljymaly kóliktik baqylaý beketteriniń jumysyn tanystyrý aıasynda baspasóz máslıhaty ótti. Oǵan kóliktik baqylaý komıtetiniń avtomobıl kóligindegi baqylaý basqarmasynyń bastyǵy Bolat Smagulov, «Saryarqa» aımaqaralyq kóliktik baqylaý ınspektsııasynyń bastyǵy Bolat Jumabekov qatysty,
dep habarlaıdy QazAqparat.
B.Smagulov atap ótkendeı, qazirgi ýaqytta avtokólik quraldarynyń ishki tasymalynyń qarqyndylyǵy shekara jolyndaǵy qarqyndylyqtan toǵyz ese kóp. Onda da ishki statsıonarlyq kóliktik baqylaý beketteriniń ornalasýy respýblıkanyń keń aýmaǵyn barynsha qamtı almaıdy. Negizinde uzaqtyǵy 62 myń shaqyrymnan astam jergilikti mańyzy bar avtojoldarda jáne uzaqtyǵy 3 myń shaqyrymnan astam respýblıkalyq avtojoldarda avtokólik quraldary qozǵalysynyń kóliktik baqylaýy joq.
Іshki qozǵalystar kóbinese kólik salasyndaǵy qoldanystaǵy zańnamalar normalaryn buzýmen júzege asyrylady. Osylaısha, jyl saıyn zańsyz avtobýstar jóneltiletin oryndar kóbeıýde (Taraz ben Shymkenttiń ózinde ǵana avtobýstar jóneltiletin 20 avtobeketter qoldanysta, Saryaǵash selosynan avtobýstar tikeleı jeke úılerdiń jańynan, Astana qalasynda «Shanhaı» bazarynan, temirjol vokzaly alańynan jóneltiledi). Onda da tabys tabý maqsatynda júrgizýshiler qarapaıym qaýipsizdik sharalaryn elemeýde.
Jyljymaly beketterdi engizý jolaýshylar men júk tasymaly qaýipsizdik deńgeıin joǵarylatyp, avtomobıl joldarynyń jelisin saqtaýǵa, sharýashylyq sýbektilerine tańdamaly jáne sapaly tekseris júrgizýge, sonymen qatar jolaýshylardyń zańsyz jóneltilý oryndary anyqtaýǵa, statsıonarlyq kóliktik baqylaý beketterin aınalyp ótý faktilerin boldyrmaýǵa múmkindik berýde.
Qazirgi kúni respýblıkalyq deńgeıdegi avtojoldarda 29 baǵyt boıynsha kóliktik baqylaýdy júzege asyratyn 20 jyljymaly beketter jumysy uıymdastyrylǵan.
Kóliktik baqylaý organdarynyń mamandandyrylǵan avtokóliginiń arnaıy belgisi bar, tıisti zamanaýı baqylaýdyń tehnıkalyq quraldarymen jaraqtalǵan (tasymaldanatyn tarazy, gazanalızator, tútin ólshegish, deshıfrator jáne taǵy da basqy baqylaý-ólsheý quraldary).
Baspasóz máslıhaty barysynda kóliktik baqylaý organdarynyń qyzmetkerleri jol polıtsııasynyń ókilderimen birlesip Astana qalasynyń vokzal mańyndaǵy alańdaǵy jolaýshylardy zańsyz tasymaldaýmen shuǵyldanýǵa arnalǵan kezdeısoq oryndarda tekseris júrgizdi, onda jolaýshylardy ruqsatnama qujatynsyz, avtokólikti reıs aldyndaǵy tehnıkalyq baıqaýdan ótkizbeı jáne júrgizýshilerdi medıtsınalyq saraptamadan ótkizbeı tasymaldaý faktileri anyqtaldy.
Baspasóz týryn qorytyndylaı kele avtomobıl kóligindegi baqylaý basqarmasynyń bastyǵy Bolat Smaǵulov jyljymaly kóliktik baqylaý beketteri ákimshili kedergi emes, kerisinshe kólikti qyzmet kórsetýdiń órkenıetti rynogyn qalyptastyrýǵa baǵyttalatyndyǵyn atap ótti.
Naýryzdyń 26-31-sy aralyǵynda osyndaı sharalar búkil respýblıka aýmaǵynda ótkiziledi.
