Elordada jylyna 24 myń tonna et óńdeıtin keshen salynady
ASTANA. QazAqparat - Astanada jylyna 24 myń tonna et ónimderin óńdeıtin keshen salynady. Іri aýqymdaǵy joba azyq-túlik beldeýin kúsheıte túsýge, sondaı-aq, Qazaqstannyń mal sharýashylyǵy salasynyń eksporttyq áleýetin keńeıtýge múmkindik beredi, dep habarlaıdy elorda ákimdiginiń resmı saıty.
Astanada ınvestıtsııany memlekettik qoldaý sheńberinde «Astana q. joǵary tehnologııalyq et óńdeıtin keshenniń tolyq tsıkli» ınvestıtsııalyq jobasyn iske asyrý úshin elorda tarıhynda alǵash ret jer ýchaskesi túrindegi memlekettik tabıǵı grantty usynýǵa qatysty alǵashqy ınvestıtsııalyq kelisim-shart bekitildi.
Atalǵan jobany iske asyrý maqsatynda Astanada zamanaýı, joǵary tehnologııalyq et óńdeıtin keshen salynady. Bul qalanyń azyq-túlik beldeýin nyǵaıtýǵa, aımaqtaǵy ekologııalyq taza jáne balǵyn et ónimi óndirisi men ony óńdeý kólemin ulǵaıtýǵa, Qazaqstannyń mal sharýashylyǵy salasynyń eksporttyq áleýetin keńeıtýge múmkindik beredi.
Jalpy joba sheńberinde 80-nen astam jumys ornyn qurý josparlanǵan. Jobanyń boljamdyq quny 3,6 mlrd teńge; óndiristik qýattylyǵy jylyna 24 myń tonna et jáne et ónimderin quraıdy.
Joba sheńberinde óndiristiń tolyq tsıklin uıymdastyrý josparlanýda - soıýdan bastap daıyn ónimge deıin: et delıkatesteri (qazy, shujyq, karbonad, fıle, taýyq eti, kesindiler, tós eti jáne basqa.); steıkter (Tenderloin steak, Rib eye roll steak, Striploinsteak, Top blade steak, Flank steak, Machete steak, Trytipsteak, Hanger steak, Topside steak jáne basqasy.); shujyq ónimderi (súrlengen, jartylaı súrlengen, shıkideı súrlengen, ystalǵan-pisirilgen, pisirilgen shujyq, sosıska jáne sardelkı jáne basqasy.); konservide jasalǵandar («ANGÝS» buqtyrylǵan eti», «Qaraqumyq qosyp buqtyrylǵan sıyr eti», «Týrıstiń tańǵy asy», «Kúrish qosylǵan sıyr eti», «Buqtyrylǵan jylqy eti» jáne basqasy.); jartylaı fabrıkattar (kotlet, gambýrger, tushparanyń 7 túri, teftel, golýbtsy, panırovkadaǵy taýyq qanattary, varenıkter jáne basqasy.).
Óndiriste eýropanyń jetekshi óndiristeriniń joǵary tehnologııalyq zamanaýı qural-jabdyqtary paıdalanylady. Atap aıtqanda, bul «BANSSAustria» (Avstrııa) - soıý jelisi, iri qara mal, qoı, jylqy jáne basqasy dr., «Germany Freund» (Germanııa) - mal soıýǵa arnalǵan qural-jabdyq jáne etti súıeginen ajyratatyn tseh jáne premıým klasty et ónimderi, «ROSERGROUP» - «OgalsaSpain» et delıkatesin óndirý, «Maschinenfabrik Seydelmann KG» (Germanııa) - evropalyq ozyq óndirýshilerdiń mashınasy jáne et ónimderin óńdeýge arnalǵan qurylǵy.
