Elordada jylý ortalyǵy qyzmetkerleriniń aılyǵy 20% ósti
Bul jaıynda qala ákimi Altaı Kólginov Instagram paraqshasynda jazdy.
«Búgin JEO qyzmetkerlerin Naýryz merekesimen quttyqtadym. Ózderińiz biletindeı, bizde jylytý maýsymy 8 aıǵa sozylady. Úılerdi jylýmen qamtamasyz etý úshin kásibı mamandar jumys isteıdi. Jylý elektr ortalyqtarynda qyzmet etetin mamandardyń jaǵdaıyn jasaýǵa erekshe mán beriledi. Bıyl JEO qyzmetkerleriniń jalaqysyn 20%-ǵa kóterdik. Memleket basshysynyń tapsyrmasy boıynsha qaladaǵy kommýnaldyq kásiporyndarda jumys isteıtin mamandardyń jalaqysy kóterildi» deıdi shahar basshysy.
Sonymen qatar, jylý elektr ortalyqtarynyń jumysyn jaqsartýǵa da basa mán beriledi: JEO-1 jáne JEO-2-degi sý jylytý qazandyqtary tolyqtaı gazǵa aýystyryldy, al JEO-3 qurylysy qaıta bastaldy.
Ákimniń aıtýynsha, taǵy úsh gaz qazandyǵyn jobalaý jumysy júrip jatyr. Olardyń qýaty saǵatyna 1 myń gıgakalorııadan asady, onyń kúshi JEO-3-ten de kóp.
Atalmysh gaz qazandyqtary qurylysy júrip jatqan jańa aýdandardy jylýmen qosymsha qamtamasyz etedi.
«Jaqynda QR Parlamenti Senatynyń tóraǵasy Máýlen Áshimbaevpen birge «Sharapat» áleýmettik qyzmet kórsetý ortalyǵyna bardyq. Qart kisilerdi Naýryz merekesimen arnaıy quttyqtadyq. Bul ortalyqta zeınetkerlerge áleýmettik qyzmet túrleri tolyqtaı kórsetiledi. Munda Uly Otan soǵysynyń ardageri Raısa Egorovna da bar. Bıyl ol 96 jasqa tolady. Ol kisini arnaıy quttyqtap, myqty densaýlyq tiledik» dep túıindedi sózin Altaı Kólginov.
