Elordada jylý almasý jabdyǵy buzylǵan 142 turǵyn úı anyqtaldy
Osyndaı tekserýlerdiń birinde «Astana-Teplotranzıt» AQ jylý almastyrǵyshtary buzylǵan 142 kóp páterli úı men basqa da 30 tutynýshy (zańdy tulǵalar, jeke menshikti úıler) tirkeldi. Bul týraly astana.kz saıtyna elordalyq Ómirdi qamtý jáne ınfraqurylymdy damytý bóliminen habarlady. 25 naýryzda kásiporyn kemshilikterdi anyqtaý úshin páterlerdi aldyn ala ystyq sýdan ajyratyp jylý jelilerine natrıı flýorestseınin qosty. Sý jasyl reńkti sary túske boıaldy. Nátıjesinde jylý almastyrǵyshtardyń tyǵyzdyǵyndaǵy kemshilikter tabyldy.
Ómirdi qamtý bóliminiń habarlaýynsha, jylý almastyrǵyshtardy jóndep, aýystyrǵan soń kondomınıým nysandary nemese PIK-ter «Astana - Teplotranzıt» AQ ókilderiniń qatysýymen olardy tyǵyzdaý jumystaryn júrgizýi tıis. Tek osydan keıin ǵana akti jasalyp, jylytqyshtar qosylady.
Mysaly, problemalyq nysandardyń 157-i qazirgi ýaqytta jumys istep tur, al 15 nysanǵa ystyq sý áli berilgen joq. Máseleni joıý jumystary qolǵa alyndy.
Aıta keteıik, germetıkalylyǵyn (sańylaýsyzdyǵyn) tekserý JEO kommýnıkatsııalarynda, qazandyqtarda, jylý jelilerinde sý aǵatyn jáne sý alatyn jerlerdi anyqtaý, olardy joıý jáne jylýmen qamtý kózderinde qýattaý shamalaryn tómendetý bolyp tabylady.
