Elordada jyldamdyqty asyrǵany úshin 100-ge jýyq kólik júrgizýshisine ákimshilik hattama toltyryldy
ASTANA. 25 shilde. QazAqparat - Elordada ótken demalys kúnderi belgilengen jyldamdyqty asyrǵany úshin 100-ge jýyq kólik júrgizýshisine ákimshilik hattama toltyryldy, - dep habarlady Astana qalalyq jol polıtsııasy basqarmasynyń baspasóz qyzmetinen.
Vedomstvonyń aqparatyna sáıkes, polıtsııa qyzmetkerleriniń nazaryna jol erejesin túrli dárejede buzǵan 1013 júrgizýshi ilikken. Olardyń arasynda 18 adam kólikti mas kúıinde basqarsa, belgilengen jyldamdyqty asyrǵany úshin 97 júrgizýshige ákimshilik hattama toltyrylǵan. Sondaı-aq 14 júrgizýshi joldyń qarsy betine shyǵyp, 72 azamat uıaly telefonmen sóılesken, 19 avtokólik aıyp turaǵyna qoıylǵan.
