Elordada «Jyl sportshysy - 2012» baıqaýynyń jeńimpazdary ulyqtaldy
ASTANA. 4 naýryz. QazAqparat - Ótken senbi kúni Astanada «Jyl sportshysy - 2012» respýblıkalyq baıqaýynyń jeńimpazdaryn marapattaý saltanatty sharasy ótti.
QR Sport jáne dene shynyqtyrý isteri agenttigi baspasóz qyzmetiniń habarlaýynsha, «Jyl sportshysy» atalymynda HHH jazǵy London Olımpıadasy oıyndarynyń chempıondary men júldegerleri Serik Sápıev, Ilıa Ilın, Aleksandr Vınokýrov, Olga Rypakova, Maııa Maneza, Zýlfııa Chınshanlo, Svetlana Podobedova, Ádilbek Nııazymbetov, Danııal Gadjıev, Marına Volnova, Gıýzel Manıýrova, Ivan Dychko jáne Aqjúrek Tańatarov jeńimpaz atandy.
«Jyldyń úzdik jattyqtyrýshysy» ataǵymen Alekseı Nı (S.Podobedovanyń jeke bapkeri), Vıktor Nı (M.Maneza men Z.Chınshanlonyń jeke bapkeri), Toıshan Bektemirov (I.Ilınniń jeke bapkeri), Sergeı Krýchın (A.Vınokýrovtyń jeke bapkeri), Sergeı Alekseev (O.Rypakovanyń jeke bapkeri), Aleksandr Strelnıkov (S.Sápıevtiń jeke bapkeri), Marat Jakıev (Á.Nııazymbetovtiń jeke bapkeri), Marat Turlyhanov (D.Gadjıevtiń jeke bapkeri), Berik Myrjyqpaev (M.Volnovanyń jeke bapkeri), Sáken Aıazbekov (G.Manıýrovyń jeke bapkeri), Vladımır Shaırer (I.Dychkonyń jeke bapkeri), Ádilet Sarybaev (A.Tańatarovtyń jeke bapkeri) marapattaldy.
Sonymen qatar «Úzdik sporttyq uıym» atalymynda QR Aýyr atletıka federatsııasy, QR Áýesqoı boks federatsııasy jáne QR Velosport federatsııasy úzdik tanyldy.
Al «Úzdik sporttyq óńir» retinde Almaty, Qaraǵandy jáne Qyzylorda oblystary ataldy.
«Jyl metsenaty» ataǵy HHH jazǵy Olımpıada oıyndary kezinde Qazaqstan ulttyq quramasynyń resmı áriptesi bolǵan «Samuryq-Qazyna» UÁQ» AQ-yna berildi.
Sondaı-aq, saltanatty shara barysynda buqaralyq aqparat quraldaryndaǵy úzdik jarııalanym úshin Seıdahmet Berdiqulov atyndaǵy jylsaıynǵy syılyqtyń qorytyndysy shyǵaryldy. Onda «Qazaq sporty» gazetiniń bas redaktory Tóleýbek Qadyrmolla, «Egemen Qazaqstan» gazetiniń tilshisi Almas Manap jáne «Habar» agenttiginiń tilshisi Galına Polevaıa jeńimpaz atandy.
